Babai përdhunon vajzën

Në stacionin policor në Gostivar, të hënën pasdite një vajzë 19-vjeçare nga Gostivari ka denoncuar se është sulmuar fizikisht dhe e maltretuar seksualisht nga babai i saj 42-vjeçar, kumtoi SPB e Gostivarit.
Vajza veprën e ka denoncuar në prani të njerkës së saj. Gjatë periudhës së kaluar prej rreth dy viteve deri në denoncimin, në shtëpinë e tyre familjare në një fshat afër Gostivarit, babi me përdorimin e forcës disa herë e ka detyruar vajzën në marrëdhënie seksuale, në prani të njerkës së saj. Ai të njëjtën ka tentuar t’ia bëjë edhe vajzës tjetër minorene, e cila ka 17 vjet. Vajza deklaroi se është shtatzënë nga babai i saj, ndërsa deri tani nuk e ka denoncuar rastin, sepse ai i është kërcënuar se do ta vrasë atë dhe anëtarët e familjes së tyre.
Nga ana e një nëpunësi të uniformuar policor, babai është arrestuar dhe po mbahet në stacionin policor në Gostivar. Pas ndriçimit të tërësishëm të rastit, kundër tij do të ngrihet padi penale.

Tags: , , , ,

Publikoni komentin tuaj!

VEREJTJE: Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet, ne te kundert, komenti nuk do te publikohet. Ju falenderojme qe na ndiqni dhe ju ftojme te vazhdoni te jeni pjese e Zemra.Org!

Komenti juaj: