Rita Ora në serialin Beverly Hills 90210

Rita Ora përveç që po merret shumë me muzikën e saj, ka gjetur kohë edhe të shfaqet në premierën e serialit “Beverly Hills 90210”.

Këngëtarja kosovare do të luajë veten në një paraqitje në serialin e falshëm televiziv, ku do të këndojë hitet e saja.

Rita aktualisht është duke punuar edhe dy videoklipe, një me reperin e ri K Koke, “Lay down your weapons” dhe këngën më të re e cila do të jetë pjesë e albumit debutues në Amerikë, “Torn apart”, të cilën e ka në bashkëpunim me mbretin e repit, Snoop Lion. Të dy këngët kanë përfunduar me xhirime, ndërsa shumë shpejt pritet lansimi i tyre në treg.

Kënga “Lay down your weapons”, në të cilën këngëtarja është e ftuar për të qenë pjesë e bashkëpunimit, tashmë është shndërruar në hit të madh, ende pa dalë klipi.