Aktorët nga Tetova turpërojnë shoferët që parkohen keq (VIDEO)

Aktorët nga Tetova, Enis Ajrullai dhe komediani Hasim Memishi Sopi kanë publikuar një video sensibilizuese, me të cilën përveç se ka prekur shumë njerëz, njëherazi edhe i ka turpëruar shoferët e pakujdesshëm, shkruan Zemra.org.

Janë të jo të rralla rastet e parkimit të veturave në trotuare ose në vendkalime për këmbësorë, gjë që pengon dukshëm lëvizjen e lirë të personave me nevoja të posaçme si dhe nënat me karroca për fëmijë.

“ Kujdesuni pak për të tjerët jo vetëm për vete. Nga do të kalojnë të moshuarit me karroca, njerëzit me invaliditet, gratë me fëmijët e tyre me karroca. Turp të ju vijë!” thotë Sopi në fund të videos, ku më pas i është bashkëngjitur një thënie e Leo Tolstoy-t, “Njeriu kur ndjen dhimbje, është i gjallë. Nëqoftëse ndjen dhimbjen e tjetrit, atëherë është NJERI!”.