Amerikanët lëshojnë 750 milionë mushkonja të modifikuara gjenetikisht në natyrë!
Autoritetet lokale të Florida Keys më në fund, pas një dekade, kanë aprovuar një plan për lirimin e 750 milionë mushkonjave të modifikuara gjenetikisht, pavarësisht kundërshtimeve nga shumë vendas dhe një koalicion i grupeve të mbrojtjes së mjedisit, raporton CNN.
Ky projekt-pilot është krijuar për të provuar nëse një mushkonjë e modifikuar gjenetikisht mund të jetë një alternativë e suksesshme për spërkatjen e insekticideve.
Llojet e mushkonjave aedes aegypti që banojnë në Florida transmetojnë disa sëmundje infektive vdekjeprurëse si zika, ethet e dengos, chikungunya dhe ethet e verdha.
Në fillim të vitit 2021, mushkonjat gjithashtu do të lëshohen në Teksas, thonë nga Oxitec, një kompani britanike me qendër në Shtetet e Bashkuara që ka zhvilluar mushkonjat e modifikuar gjenetikisht.
Autoritetet e Florida iu drejtuan Oxitec për ndihmë, e cila zhvilloi një mushkonjë mashkull, e programuar të vdiste para moshës madhore, përveç nëse nuk është kultivuar në ujë që përmban tetraciklinën e antibiotikut.
Sëmundjet transmetohen vetëm nga femrat. Kështu, pasardhësit e mushkonjave do të shuheshin dhe rritja e popullsisë do të ishte e kufizuar.
Mushkonjat e modifikuara gjenetikisht janë testuar në ishujt Kajman, Panama dhe Brazil, dhe firma ka raportuar sukses të madh. Në pjesën urbane të Brazilit, numri i mushkonjave ka rënë me 95 për qind, thonë ata.
Grupet mjedisore shqetësohen se përhapja e gjeneve mashkullore të modifikuar gjenetikisht në natyrë mund të dëmtojë speciet e rrezikuara të shpendëve, insekteve dhe gjitarëve që ushqehen me to. /KP
