Natalie Portman mohon rolet në Superman dhe Batman

Natalie Portman i ka hedhur poshtë spekulimet se ajo do të paraqitet në vazhdimet e ardhshme të filmave “Superman” dhe “Batman”.

Aktorja u spekulua se kishte siguruar rol në filmin e ardhshëm të Zack Snyder, “Superman: The Man of Steel”, por Portman thotë se asaj as që i është ofruar projekti.

“Çfarë është ajo? Jo, nuk kam dëgjuar asgjë nga ta”, ka thënë aktorja për Entertainment Weekly.

Dhe kur Portman ishte pyetur për rolin në filmin tjetër të Christopher Nolan mbi Batmanin, “The Dark Knight Rises”, ajo është përgjigjur, “Oh nuk di asgjë për këtë”.