Deshi të testoj besnikërinë e partnerit duke e provokuar me një vajzë tjetër

Një vajzë e re vazhdimisht kishte probleme me prindërit, të cilët i thoshin se partneri me të cilin ajo ishte në lidhje nuk është aq besnik siç shtiret.

Por, ajo ishte verbuar nga dashuria, dhe assesi nuk dëshironte të mendonte se ai vërtetë mund të ketë një femër tjetër, transmeton Zemra.org.

Dhe me kalimin e kohës filloi të ndjej se diçka nuk po shkonte me lidhjen e tyre, dhe vendosi të kërkoj ndihmën e një ekipi të specializuar në realizimin e kamerave të fshehta.

Ata i propozuan që ta fusin në lojë një vajzë të bukur latine, e cila do ta joshte partnerin e saj në një kafiteri. Dhe kur dyshja u takuan “rastësisht”, ajo filloi të luaj pjesën e saj dhe ta provokoj me lëvizje.

Por, ai nuk dukej edhe aq i interesuar për të. Dhe kur në një moment ajo e pyet nëse ka të dashur, ky i ri pa u menduar dy herë i tha “po”. Ky moment e relaksoi paksa të dashurën e tij që e vëzhgonte situatën nga ekrani, duke menduar se ai vërtet i qëndron besnik partneres.

Megjithatë e gjithë situata ndryshon kur derisa këta dy po bisedonin, shfaqet një femër tjetër e cila në fakt ishte e dashura e partnerit të biondes. Por, sikur kjo të mos mjaftonte, ajo në një moment i thotë aktores së kamerës së fshehtë se është shtatzënë dhe se shumë shpejt do të bëhen prindër.

E dëshpëruar nga ajo çfarë pa dhe dëgjoi, kërkoi që disa herë t’ia kthejnë pamjet në kompjuter ku vajza e dytë thotë se është shtatzënë me partnerin e saj.

Në fund bindet që prindërit kishin pasur të drejtë dhe i telefonon partnerit për t’i thënë se gjithçka ka mbaruar, dhe se e ka kuptuar që do të bëhet baba.