Dy shpërthime në qendër të Stockholmit, një i vdekur dhe dy të plagosur.
Dy shpërthime kanë tronditur mbrëmë kryeqendrën suedeze Stockholm, me ç`rast një person ka vdekur dhe dy janë plagosur.
Policia akoma ka vijuar hetimet dhe nuk ka konfirmuar lidhshmërinë e dy shpërthimeve. Ato ndodhën në një afërsi prej 200 metrave, në një nga rrugët më të frekuentuara në qendër të Stockholmit, ndërsa shpërthimi i tyre pasoi një pas një vetëm me një diferencë prej 2 minutave.
Policia suedeze deri tani nuk ka bërë të ditur motivet e këtij sulmi terrorist dhe nuk janë dhënë detajet mbi hetimet e para.
