Gani Sahiti, vrasësi i Remzi Salihut, dënohet me 35 vjet burg

Gani Sahiti, mësuesi nga Dabishevci është dënuar sot me 35 vjet burg për vrasjen me qëllim të ish-drejtorit të Arsimit ne Prishtine, Remzi Salihu, në zyrën e tij në Komunë, raporton KTV.

Mbrojtja dhe prokuroria nuk kanë thënë asnjë fjalë pas dënimit të dhënë, por familja ka thënë se dënimi duhej të ishte më i vogël, pasi gjykimi i Ganiut ka nisur kur në Kodin Penal vrasja dënohej me 25 vjet burg.

E, sipas tyre, gjykata nuk ka marrë parasysh atë së Ganiu kishte probleme shëndetësore mentale, për shkak të siç thuhej, presionit që kishte, pasi i ishte mohuar e drejta nga vet Salihu për t’u bërë drejtor i shkollës në fshat.