Ibrahimovic: Guardiola-s do t’i jap një grusht

”Nëse shikoni Guardiola-n mund t’i thoni që po më doli përpara do t’i jap një grusht që do ta hedhë përtokë”, deklaroi suedezi në një intervistë të një radio spanjolle.

Në momentin e fundit të hedhjes së firmës në kontratën e re me Milan-in, Zlatan befasoi të gjithë duke vendosur një kusht të fundit. “Nuk do të firmos”, pranoi të kishte thënë atëherë Ibrahimovic.

Të shtangur, drejtuesit e Barcelona-s dhe Milan-it e pyetën për kushtet e tij dhe ai u përgjigj: “Nuk firmos pa ju thënë që nëse shoh Guardiola-n, diku në Europë sepse këtu në Katalonjë nuk mundem, do t’i jap një grusht që ta mbajë mend për të gjithë jetën”.