Klose s’e pranon golin me dorë, përshëndetet gjesti i tij (Video)

Sulmuesi i Lazios, Miroslav Klose, ka shënuar një gol me dorë në fillim të ndeshjes ndaj Napolit mbrëmjen e kaluar, gol të cilin nuk e kishte vërejtur gjyqtari se ishte realizuar me dorë nga gjermani, duke e pranuar atë, por ishte vet sulmuesi ai që i tregoi gjyqtarit të takimit, që më pas dhe e anuloi.

Ky veprim i Kloses të cilin mund ta shihni në videon më poshtë, është pritur jashtëzakonisht mirë nga bota sportive, duke e vlerësuar si akt që vlen të përshëndetet.

“Bravo Klose. Gjesti yt i fundit është i madh dhe shembull për të gjithë”, ka theksuar Blatter në një shkrim në Twitter.

Lojtarë tjerë të shumt të mëdhenj europian e kanë përshëndetur gjestin e Kloses, i cili ishte i madh marrë parasysh që do të kishte ndikuar në rrjedhën e takimit, që përfundoi me rezultat të pastër 3-0 për Napolin.

Vlen të përmendet se Miroslav Klose është i martuar me një shqiptare nga Kosova, ndërsa ka dy fëmijë me të.