Dritan Shakohoxha sonte në mbrëmje ndërsa gjatë komentit për golin e parë të Shkëndijës së Tetovës ndaj çekëve të Mlada Boleslav e vlefshme për turin e tretë të Europa League, e ka cilësuar stadiumin “Filipi II” të Shkupit “Arena Adem Jashari”.
Gjë që me shumë mundësi nuk do tu pëlqejë aspak sllavomaqedonasve të cilët nuk nuk e kanë përtypur këtë etiketim për stadiumin e tyre kombëtar as kur ky epitet u përdor edhe nga ekipi i Shkëndijës së Tetovës disa ditë më parë. Nuk dihet se cili do të jetë reagimi i tyre pas këtij etiketimi, ndërkohë që Shakohoxha njihet për entuziasmin e tij të theksuar kur luajnë ekipet shqiptare kudo që janë dhe sidomos Ekipi Kombëtar.
