Ndalohet ndihmësi i vrasësit të Aurora Trashanit

Policia ka ndaluar një person të quajtur Abedin Mulaj, i cili dyshohet se ka ndihmuar autorin e vrasjes së Aurora Trashanit në Tiranë më 3 shkurt.

Mulaj mendohet se ka ndihmuar autorin e vrasjes për t’u larguar nga vendi i ngjarjes.

Vajza nga Shkodra u gjet e vdekur në apartamentin ku banonte me qira, të cilit i ishte vënë zjarri.

Fillimisht u mendua se ishte asfiksuar, por pas hetimeve u zbulua se 32-vjeçarja ishte vrarë.