Shkup, bie ashensori – tre të lënduar

Tre persona të punësuar në një firmë private për servisimin e ashensorëve janë lënduar të hënën pasdite gjatë rrëzimit të ashensorit në klinikën për psikiatri në Shkup.

Sipas informatave, fatkeqësia ka ndodhur për shkak të shkëputjes së kabllove të ashensorit. Njëri prej punëtorëve ka qenë poshtë ndërsa, ashensori ka rënë mbi të nga kati i tretë.

Dy punëtorët tjerë kanë qenë në ashensor derisa po bënin servisimin. Njëri prej punëtorëve është pranuar në Klinikën e Shkupit, dhe ka lëndime të rënda dhe është ende në rrezik për jetën. Edhe dy punëtorët tjerë janë të shtrirë në spital dhe po mjekohen në dhomat intensive.