Një hap më shumë’ në luftën kundër kancerit
Njerëzit me kancer të patrajtueshwm kanë ridizajnuar sistemin e tyre imunitar për të vetë-sulmuar tumoret e tyre.
Studimi eksperimental përfshiu 16 pacientë ku çdo person kishte një trajtim specifik, i cili synonte pikat e dobëta në tumorin e tyre.
Qelizat T patrullojnë trupin dhe inspektojnë qelizat e tjera për probleme. Ata përdorin proteina, të quajtura receptorë, për të nuhatur në mënyrë efektive shenjat e infeksionit ose qelizat që janë bërë kanceroze. Ideja e terapisë është të rrisë nivelet e këtyre qelizave T që zbulojnë kancerin që duhet t’i përshtatet çdo pacienti pasi çdo tumor është unik.
Kështu studiuesit kërkuan në gjakun e pacientëve për qeliza të rralla T që kishin tashmë receptorë që mund të nuhasin kancerin. Më pas ata morën qeliza të tjera T që nuk mund të gjenin kancerin dhe i ridizajnuan ato. Receptorët e tyre origjinalë, të cilët mund të gjejnë probleme ose infeksione të tjera, u zëvendësuan me ata nga qelizat T që lutojnë kancerin. Këto qeliza T të modifikuara u vendosën përsëri te pacienti për të kërkuar tumorin.
Kjo u bë e mundur nga përparimet e jashtëzakonshme në teknologjinë e modifikimit të gjeneve Crispr, e cila vepron si një palë gërshërë molekulare , duke i lejuar shkencëtarët të manipulojnë lehtësisht ADN-në. Por do të duhen studime më të mëdha për të përcaktuar dozën e saktë dhe sa efektive është me të vërtetë.
Testi përfshiu njerëz me kancer të zorrës së trashë, gjirit ose mushkërive që nuk kishin reaguar ndaj trajtimeve të tjera.
Dr Manel Juan, kreu i shërbimit të imunologjisë në Clinic Hospital në Barcelonë, tha se ishte punë e jashtëzakonshme dhe pa dyshim një nga më të avancuarat në këtë fushë.
