Nokia përgatit modelin me WP8

Me sa duket, telefoni i parë nga Nokia i cili bazohet në sistemin operativ Windows Phone 8 tashmë ka rrjedhur në internet, pasi që faqja WPDang ka zbuluar pamjet e një modeli të telefonit të kompanisë finlandeze i cili duket ngjashëm me modelet tjera të linjës Lumia.

Sipas pamjeve të publikuara në internet, prototipi i ri nga Nokia mbështetet në Windows Phone 8 ose Windows Phone 7.8

Megjithatë, vetëm nga një fotografi e publikuar në internet, nuk mund të thuhet shumë për specifikat e këtij telefoni, prandaj duhet pritur derisa Nokia ose ndonjë burim i besueshëm i informacionit të ofrojë më shumë detaje lidhur me modelin e ri të telefonit.