Autoritetet kosovare u kanë dorëzuar zyrtarëve policorë të Maqedonisë ish-luftëtarin Metin Islami, i njohur si Komandant Talibani.
Por ajo që vërehet në video është për tu habitur me faktin se policia maqedonase nuk i besoi policisë kosovare dhe i ka bërë një kontroll të reptë të ekstraduarit Metin Islami, gjë e cila ishte e panevojshme.
Metin Islami i dënuar për pjesëmarrje në grupin e armatosur në Brodec në nëntor të 2007, dje i është dorëzuar autoriteteve të Shkupit përmes vendkalimit kufitar Bllacë, ku më pas është drejtuar në burgun e Idrizovës për vuajtjen e dënimit. Ai u dënua me 15 vjet burg për terrorizëm dhe tregti me armë.
