Shtatë pretendentë republikanë për garën presidenciale në SHBA kanë sulmuar rezultatet ekonomike të arritura nga presidenti Barack Obama, në debatin e parë të madh për fushatën e vitit 2012.
Kandidatët për emërimet e partisë i kanë fokusuar gjithashtu kritikat tek reforma e miratuar në vitin 2010 për sistemin shëndetësor, i njohur ndryshe si “Obamacare”.
Ata kufizuan sulmet ndaj njëri-tjetrit, duke zgjedhur të sulmojnë në të njëjtën kohë presidentin aktual të Shteteve të Bashkuara.
Ish-guvernatori i Masacusetsit, Mitt Romney është në vijën e parë të fushës së betejës për të sfiduar zotin Barack Obama.
Zgjedhjet në radhët e Republikanëve nuk do të mbahen të paktën deri në shkurt, njoftojnë mediat amerikane.
Menaxhimi nga Obama i situatës ekonomike dhe sistemit shëndetësor tërhoqi kritika, ndërkohë që politikat e tij mbi Afganistanin dhe Libinë cuan në ashpërsimin e debatit në Saint Asnelm College, në Nju Hempshër.
