Sting është shoqëruar me presidentin sirian

Këngëtari Sting është i njohur për angazhimet e tij për të drejtat e njeriut, mirëpo kësaj radhe janë publikuar disa fotografi ku ai shihet duke biseduar me presidentin e Sirisë, Bashar al-Assad.

Sting është ambasador i organizatës Amnesty International që nga viti 1981, por në vitin 2008, së bashku me gruan e tij Trudie Styler, është shoqëruar me diktatorin sirian.

Ai qe 30 vite merr pjesë në fushatat për të drejtat e njeriut, ndërsa një mik i këngëtarit ka shpjeguar se në kohën kur al-Assad e kishte ftuar atë në Siri, presidenti i këtij vendi konsiderohej si shpresë e demokracisë.