Pejë, përleshen dy persona, njëri goditet me thikë

Policia e Kosovës ka arrestuar dy persona, të cilët pas një mosmarrëveshje janë përleshur në mes veti.

Njëri nga të dyshuarit gjatë përleshjes kishte përdorur dhe një mjet të mbrehtë (thikë) me të cilën e kishte goditur të dyshuarin tjetër.

Përleshja ka ndodhur në rrugën “Enver Hadri” në Pejë të dielën në ora 16:30.

I dyshuari i dytë kishte shtënë me armë zjarri në ajër. Në vendin e ngjarjes është gjetur dhe konfiskuar një gëzhojë 9 mm. si dhe një armë zjarri Zastava.

I dyshuari i lënduar nga goditja me thikë është dërguar në tretman mjekësor, kurse, i dyshuari i dytë me vendim të prokurorit dërgohet në mbajtje.