Nga: Prof. Dr. Vebi XHEMAILI
Në gazetën “Shpic”, të Shkupit, doli një shkrim për Xhemë Hasë Gostivarin me plot falsifikime, trillime e insinuata, si e kanë pasur zakon sllavët dhe shërbëtorët e tyre, në veçanti familja e Çedo Filipovskit, e cila u shit, vetëm për një përmendore që i ngritën komunistët e Titos në sheshin e Gostivarit. Por këto insinuata nuk janë të sakta, se Çedo Filipovski, me aminin e nënës së tij, e cila ka llafosur vetëm shqip, e ka porositur djalin e saj “se ka për borxh të luftoj vetëm për Shqipëni”. Ndërsa Çedo Filipovski i është përgjigjur:” nanë unë për Shqipëni jam duke luftuar”,neqoftëse më tradhton nënë, kurr nuk ta bëj hallall qumështin e gjirit, i ka thënë kjo nënë fisnike shqiptare. Kështu e ka zakon çdo nënë shqiptare, kur e përcjell të birin për të luftuar për atdheun e vet. Por si duket komunizmi me dekada e ka falsifikuar të vërtetën për shqiptarët ortodoks të Maqedonisë. Kjo politikë antishqiptare ka lënë prapavijë të errët brez pas brezit midis rinisë sllavo-maqedonase, jo vetëm gjatë sundimit tejet të vrazhdë të pushtetit komunist, por edhe te djemtë dhe nipat e tyre, që sot e kësaj dite nuk mund të çlirohen nga albanofobia. Sa për këto akuza të pabaza: “se xhemë Hasa ka vrarë maqedonas dhe shqiptarë nuk është e vërtetë”, por vërteta është ndryshe:komunistët çmendeshin kur dëgjonin emrin e Xhemës. Sllavo-komunistët në luftë kundër Xhemës i çonin vetëm komunistët shqiptarë, ndërsa vetë fshiheshin në birë të miut dhe nuk guxonin ti afrohen, e jo të luftojnë kundër tij, deri sa ishte gjallë ky komandant. Ndërsa duart të lara me gjak shqiptari i kanë mbushur komunistët deri në bryla, duke vrarë, burgosur dhe zhdukur familje të tëra shqiptare dhe anëtarë të VMRO-s”.Kjo fletë qartë se ata për qëllime politike e injorojnë historinë tonë komëtare që ka luftuar nacionalizma shqiptare për bashkimin e trojeve etnike. Në këtë rrugë kombëtare ka vepruar edhe heroi ynë kombëtar Xhemë Hasa. Sot pa paragjykime dihet dhe ekzistojnë dokumente se kush është Xhemë Hasa dhe kush është Çedo Filipovski. Të parin e kanë në zemër forcat nacionaliste shqiptare, ndërsa çedo Filipovskin e ka shpallur për heronj të tyre shteti sllavokomunist, i cili përgatiti kryengritjen në trojet shqiptare. E cila ishte pastër Kryengritje ideologjike dhe luftonte për idealet e Jugosllavisë së Madhe.Ndërsa absurditeti shkon në skajshmëri, apo çmenduri politike, kur në këtë anë të Maqedonisë multi-etnike, multi-kulturore dhe multi-konfenicionale. Pra, politika maqedonase po ngrenë shtatore në sheshin e Shkupit, edhe pse të gjithë e dinë duke filluar nga kreu i shtetit, akademikët, profesorët dhe qytetarët e saj, se këta figura kur nuk kanë luftuar për Maqedoninë si shtet, por ka qenë për politikën ekspansioniste të ashtuquajtur bullgaro-madhe. E dyta, shumë figura nuk janë meritor të pushojnë në qendër të Shkupit, pasi shumica nga ata kurrë nuk e ka parë Shkupin dhe kurrë nuk e kanë krisur një plumb për çlirimin e këtij qyteti, pasi ata e kanë ditur se Shkupi ishte në atë kohë kryeqytet i shqiptarëve të Vilajetit të Kosovës, deri me ardhjen e serbëve në tetor të vitit 1912.Politika ditore maqedonase nuk donë të pranojë realitetin, se shqiptarët gjithmonë kanë luftuar për çlirimin e Shqipërisë Etnike, ata kur nuk kanë pranuar sundues të huaj osmanë, as serb e më pak e kanë pritur këtë të keqe nga fqinjët e tyre maqedonas, apo siç i njeh ndryshe historia sllavët e jugut, ndërsa sipas krahinës ku u vendosën, u pagëzuan sllavët e krahinës së Maqedonisë.Këto troje shqiptare të Shqipërisë Lindore, që pas ardhjes të komunistëve në pushtet e pagëzuan Maqedoni Perëndimore, e cila deri në vitin 1912 ka qenë pjesë e pandarë e Vilajetit të Kosovës. Por pas luftës së Dytë Botërore në mënyrë të padrejtë ngelën nën sundimin jugosllav në krye me Titon i cili e falsifikoi marrëveshjen e bërë me Enver Hoxhën, ku thuhej: “se pas përfundimit të luftës këto territore shqiptare do ti kthehen Shqipërisë. Ky komunist sllav i kalitur si nxënës i Kominternës diti me perfiditet ta mashtron popullin shqiptar nëpërmjet të misionarëve të vetë dhe ta lidhë ngushtë Enver Hoxhën me ideologjinë komuniste të cilët në të gjitha takimet me masën shqiptare deklaronin: “se pas luftës, populli shqiptar i Kosovës dhe trojeve tjera shqiptare do të bashkohet me Shqipërinë”. Por komunistët jugosllav këto deklarata të tyre pas luftës shumë shpjet i harruan, në mënyrë arbitrare duke përdor ushtrinë, Kosovën e futën nën Serbi, ndërsa territorin e Maqedonisë Perëndimore ia falën shtetit maqedonas, që u themelua më 2 gusht të vitit 1944 në Prohor Pçinski.Tradhtinë komuniste dhe mesazhin e tyre për bashkëpunim e dinin nacionalistët shqiptarë. Prandaj ata kurrë nuk i besuan komunizmit sllav, këtë e dinte edhe Enver Hoxha se Shqiptarët të udhëhequr nga nacionalistët shqiptarë në krye me Xhemë Hasën dhe të tjerë, se kurrë nuk do ta pranojnë shtetin komunist maqedonas si shtet të tyre, por me të gjitha format e rezistuan dhe e luftuan komunizmin sllavo-titist. Për fat të keq këtij shteti antishqiptar i ndihmuan edhe disa shqiptarë të kuq, të bindur se në të ardhmen do të forcohet një farë “vëllazërim bashkimi me sllavët”. Këta shqiptarë shkurt pamës, i harruan masakrat e serbo-malazeze pas Kongresit të Berlinit, kur e sakatuan Shqipërinë Verilindore duke i marrë edhe Ulqinin. Sa për hir të kujtesës edhe në Luftën e Parë Ballkanike, u bë hy e pluhur Kosova nga ushtritë serbo-bullgare-malazeze, ndërsa maqedonasit morën pjesë krahë për krahë me ta, kundër Shqipërisë dhe popullit shqiptar. Populli e din mirë në bazë të kaluarës historike “se maqedonasit gjithmonë na kanë tradhtuar dhe kanë mbajtur krahun e tyre”. Prandaj shqiptarët duhet të jenë sy çelë dhe unik, se këta janë të paparashikueshëm. I kanë pasur dhe i kanë zakon sulmet dhe shpifjet prapa shpine, ta mëveshin edhe atë që nuk e ke. Mund të na ngjaj si rasti Cezarit, kur në darkë Bruti dhe Kasi e sulmuan Cezarin. Këta kur nuk mund ta bindin veten, ta ndajnë pushtetin me shqiptarët.Sllavët e Maqedonisë assesi nuk mund të–pranojnë të jetojnë të barabartë me shqiptarët. Ata nga hegjemonizmi shpirtërorë gjithmonë e kanë parë Selanikun si pre të luftës edhe pse të gjithë e dinë se Selaniku kur nuk ka qenë i tyre. Ndërsa kur është në pyetje Filipi II, dhe Leka i Madh, e dinë grekët por e dinë edhe këta se Filipi i II, është dhëndër shqiptar, ndërsa nga venët e gjakut të Lekës së Madh rrjedh vetëm gjak shqiptari. Se në këto troje kanë jetuar ilirët me mbretërit e tyre Teuta, Genci, Pleurati e tjerë. Sllavët e Maqedonisë në atë kohë nuk e dinin se në këto troje po luftonin mbretër shqiptarë kundër grekëve dhe romakëve. Këta mësuan për Lekën e Madh, se ka qenë mbret i Shqiptarëve pas ardhjes së tyre në Ballkan, kur donin të plaçkitnin qytetet shqiptare; Janinën, Selanikun dhe Adrianopojën.Për fat të keq kësaj radhe krejt bota e din, se jeni të ardhur si sllav të jugut në këto troje, prandaj kot mundoheni ta mashtroni civilizimin botëror pasi deri në këtë kohë kanë kaluar mbi 2000 vjet, me ato piskama të trashëguara nga vendlindja e juaj andej Karpateve, se ju, jeni pasardhës të Aleksandërit, ndërsa shqiptarët dhe grekët paskan ardhur pas juve në këto troje. Me këtë tezë e keni mashtruar vetveten me ëndrra dhe fantazira. Poashtu e keni “bindur” botën se civilizimi i juaj është më i vjetër se i dorëve, trojanëve, pellazgëve e civilizimeve tjera. Për çudi të të gjithëve pse u ka bërë kaq padrejtësi Herodoti, u ka anashkaluar juve që e keni shkruar “Biblën”, pasi ju keni “merita” dhe ajo ju takon vetëm juve, pasi u keni dhënë civilizim botës, ndërsa Herodoti e ka futur në haresë civilizimin tuaj. Prandaj Herodoti nuk ka dashur të shkruaj dhe tu përmend në veprat e tij, për kulturën dhe civilizimin antik që i keni ofruar mbarë botës, me prejardhje të përzier kulturash antiko-sllavo-maqedonase. Me plotë të drejt me këtë bagazh të pasur kulturor, mund ti kundërviheni helenizmit grek, duke i përvetësuar statujat dhe kulturën paraheleniste.
