Zgjedhjet në Turqi, pritet fitore e Erdoganit

Banorët e Turqisë, u janë drejtuar sot kutive të votimit për zgjedhjet parlamentare që pritet t’i japin një mandat të tretë në pushtet, partisë së kryeministrit aktual, Rexhep Taip Erdogan.

Kandidatët nga 15 parti politike dhe 200 të pavarur po garojnë për një vend në parlamentin e shtetit i cili i ka 550 ulëse.

Liderët e partisë që aktualisht është në pushtet, Partia për Drejtësi dhe Zhvillim, po shpreson se do të fitojë 330 vende.