Rita në lidhje me djalin e Diana Ross?

Këngëtarja me origjinë shqiptare, Rita Ora, është parë duke u puthur me aktorin dhe muzikantin, Evan Ross, në një ndejë në New York – raporton The Sun.

Burimet e tabloidit kanë thënë se dy yjet fillimisht kishin flirtuar me njëri-tjetrin, para se 22-vjeçarja t’i afrohej dhe ta puthte para të pranishmëve.

24-vjeçari Evan është i njohur për paraqitjet e tij në serialin “90210” dhe në filmin “96 Minutes”, ndërsa është djali i divës amerikane Diana Ross.

Kjo romancë vjen pas ndarjes së Ritës nga Rob Kardashian, i cili e pati akuzuar këngëtaren se e ka tradhtuar me 20 meshkuj tjerë.