Në Gjykatën Penale sot ka vazhduar seanca gjyqësore për rastin e vrasjes së pesëfisht tek Liqeni i Smilkovës.
Në këtë seancë u lexuan vetëm disa transkripta të reja të bisedave, ku shihej se si një pjesëtar i policisë ka njoftuar kolegët e tij në pozita më të larta udhëheqëse në MPB, për tradegji të mundshme të përmasave sic ishte vrasja e pesëfisht, por që atë kohë nuk kanë marrë masa adekuate autoritetet kompetente.
Avokati i lëndës, Naser Raufi deklaroi se këto biseda nxjerrin në pah përfshirjen e shërbimit të athershëm sekret në vrasjen e pesëfisht tek Liqeni i Smilkovës.
“Pjesëtarë të policisë kanë qenë në dijeni se do të ndodhë kjo ngjarje e rëndë, me cka argumentohet fjala jonë, që ky është skenarë shërbimit të MPB-së.
Është evidente se këta nuk janë fajtorë, pra dolën edhe biseda që tregojnë persona tjerë të përfshirë dhe ne si avokatë dhe prokuroria duhet të detektojë se kush janë fajtorët për këtë rastë.