Drejt fundit tuneli më i gjatë në botë

Inxhinierët zviceranë pritet të cajnë pjesën e fundit të një mali për të kompletuar gërmimin e tunelit më të gjatë në botë.

Dy skajet e tunelit hekurudhor 57 kilometra të gjatë do të mund të lidhen pas 14 vitesh punë intensive të rreth 2500 punëtorëve.

Ngjarja do të transmetohet drejtpërdrejt nga televizionet zvicerane dhe do të ndiqet nga ministrat evropianë të Transporteve.

Megjithatë, tuneli i Gotardit do të hapet për trenat vetëm në vitin 2017, kur do të shkurtojë udhëtimin mes Zyrihut dhe Milanos.