Hetuesja Elissa Fleak mori fjalën në seancën dëgjimore e cila u mbajt në Kaliforni të premtën, që pati për qëllim marrjen e vendimit nëse Dr.Conrad Murray duhej akuzuar për vdekjen e Mbretit të Pop muzikës.
Fleak zbuloi se gjatë kërkimeve në shtëpinë e Jackson, ajo ka gjetur 12 shishe anestetikë tejet të fuqishëm, duke përfshirë dy fare pranë shtratit të këngëtarit të ndjerë.
“Aty kishte aq shumë shishe, nuk më kujtohet se cilat ishin të mbushura e cilat të zbrazëta”, theksoi Fleak.
Seancat dëgjimore preliminare filluan të martën dhe pritet që të zgjasin dy javë.