Një shtetas i Kosovës, i nacionalitetit shqiptar, është arrestuar në pikëkalimin kufitar me Serbinë, në Bërnjak, nën dyshimin se ka kryer krime lufte ndaj poullatës civile në vitin 1999.
Prokuroria Speciale e Republikës së Kosovës (PSRK), njofton opinionin se me urdhër të Prokurorit të kësaj prokurorie është arrestuar personi me inicialet D.Sh., shtetasi i Republikës së Kosovës, i nacionalitetit shqiptar.
I njejti dyshohet se ka kryer krime lufte, kundër popullatës civile në mars të vitit 1999 në Ferizaj.
Personi në fjalë është arrestuar në pikëkalimin kufitar në Bërnjak, tani është dërguar në mbajtje për 48 orë.