Herëve të kaluara ka qenë Erioni ai që është dukur më i pasigurt, me Bertinën e cila ka arritur ta mbajë për veti edhe kur ai ishte afër t´i largohej, por kësaj here është kjo e fundit ajo që shprehur pasigurinë.
Gjatë një interviste për Panorama, Bertina ka shprehur dyshime se Erioni mund të jetë bashkëshorti i saj i ardhshëm.
“S’i dihet, edhe mund të jetë, edhe s’mund të jetë bashkëshorti im. Unë mendoj se jetës nuk i dihet në asnjë moment. Për momentin kemi një lidhje të konsoliduar, me të mirat, të këqijat, zënkat, mëritë, dashurinë. Se çfarë mund të ndodhë, asnjëri s’mund ta parashikojë”, ka thënë Bertina.
Një shtytje për ndarjen e tyre mund të jetë edhe fakti se Bertina planifikon të largohet një kohë nga Shqipëria, për të realizuar dëshirën e saj, të ndjekë ´studimet master në degën e inxhinierisë, në një universitet jashtë shtetit´, saktësisht në Gjermani.