Debutim magjik i Kurtishit, dy gola dhe dy asistime

Mensur Kurtishi është i vendosur ta vazhdojë fillimin sensacional të eksperiencës tek Shkëndija. Përforcimi më i ri i kuqezinjve debutoi të mërkurën pasdite, për të shënuar dy gola dhe për të dhuruar dy asistime, në fitoren 7:0 ndaj Ohrid Lotes, në ndeshjen e xhiros së parë të kupës së Maqedonisë. 25-vjecari e shënoi golin e dytë dhe të tretë, kurse asistoi në golin e parë dhe të pestë.

Sulmuesi kumanovar, i cili nuk u paraqit në tre ndeshjet e parë të edicionit të ri, për shkak të mosmbërritjes me kohë të certifikatës nga Arabaia Saudite, ishte startues në lojë dhe menjëherë tregoi veten.

“Jam i lumtur me dy golat e shënuar dhe dy asistime e dhëna. Fillimi ishte mjaft i mirë dhe unë dëshiroj ta mbaj këtë ritëm. Ishte bukur. E ndihmova ekipin dhe dëshiroj ta bëj të njëjtën gjë edhe në të ardhmen, duke filluar nga ndeshja me Napredokun në Tetovë”, tha Kurtishi për “Lajm”.

Golat e tjerë për Shkëndijën i shënuan: Ferhan Hasani (1), Genc Hyseni (2) dhe Miroslav Jovanovski (2).

Renova mundi Karaormanin në Strugë 4-0, Drita humbi në shtëpi nga Miravci 3-2, kurse disfatë minimale përjetoi Rrufeja nga Metalurgu në teren të vet 1-0. Në raundin tjetër është kualifikuar edhe Gostivari që ka mundur si mysafir Lubotenin 2-1.

Rezultatet

Luboten – Gostivari  1-2

Mogila – Rabotnicki (luhet më vonë)

Ohrid Lote – Shkëndija 0-7

Lokomotiva – Napredok  4-5 (pen.)

Maxhari – Skopje  1-3 (pen.)

Karaorman – Renova 0-4

Prespa – Tikvesh  (0-3 r.z.)

Vasilevo – Sileks   1-7

Babi – Bregallnica  0-3

Karbinci – 11 Oktomvri  (0-3 r.z.)

Pobeda J. – Turnovo H.  1-2

Drita – Miravci  2-3

Rrufeja – Metalurg  0-1

Rudar – Pelister  1-3

Euromilk – Vardar  0-3

Treska – Teteks  3-5 (pen.)