Dhuna në familje vazhdon të mbetet shqetësuese në Kosovë. Vetëm gjatë 24 orëve të fundit janë raportuar pesë raste të dhunës në familje.
Zakonisht janë femrat ato që po pësojnë nga dhuna familjare.
Ky është raporti i Policisë së Kosovës për rastet e dhunës në familje:
Fushë Kosovë 14.08.2020 – 23:30. Ankuesja femër kosovare ka informuar se është sulmuar fizikisht nga i dyshuari mashkull kosovar. Viktima nuk ka pranuar tretman mjekësor. Rasti është duke u hetuar.
Podujevë 14.08.2020-22:00. Viktima femër kosovare ka raportuar se është sulmuar fizikisht nga i dyshuari mashkull kosovar . Viktima ka pësuar lëndime trupore dhe ka pranuar tretman mjekësor . Me vendim të prokurorit i dyshuari lirohet në procedurë të rregullt.
Lipjan 14.08.2020-23:53. Viktima femër kosovare ka raportuar se është sulmuar fizikisht nga i dyshuari mashkull kosovar. I dyshuari është arrestuar dhe me vendim të prokurorit dërgohet në mbajtje.
Gjilan 14.08.2020 -23:00 Viktima mashkull kosovar ka raportuar se pas një mosmarrëveshje është sulmuar fizikisht nga dy të dyshuarit meshkuj kosovarë. Viktima ka pësuar lëndime trupore dhe ka pranuar tretman mjekësor . Të dyshuarit janë arrestuar dhe me vendim të prokurorit janë dërguar në mbajtje.
Prizren 15.08.2020-12:00. Është raportuar se dy të dyshuarit, një mashkull dhe një femër kosovare pas një mosmarrëveshje janë rrahur mes vete. I dyshuari mashkull është arrestuar dhe me vendim të prokurorit është dërguar në mbajtje, ndërsa rasti vazhdon në procedurë të rregullt.