Kombëtarja e Shqipërisë ka pësuar humbje nga Bosnje Hercegovina me rezultatin 2:0, të martën mbrëma në stadiumin “Bilino Polje” të Zenicës. Ndeshja i ka takuar grupit D për eliminatoret e Kampionatin Evropian “Euro 2012”, që vitin tjetër mbahet në Poloni e Ukrainë. Haris Medunjanin (67′) e Darko Maletiq (90′) shënuan për fitoren e ekipit boshnjak. Me këtë fitore Bosnja ngritet në kuotën e dhjetë pikëve dhe zë vendin e tretë në tabelë. Ndërkohë, Shqipëria ndeshjen e përfundoi me një futbollist më pak. Mbrojtësi Andi Lila, i cili u inkuadrua në minutën e 60-të, u përjashtua në minutën e 87-të për shkak të ndërhyrjes së ashpër në Elvir Rahimiqin. Shqipëria ka rënë në pozitën e pestë me tetë pikë të tubuara në gjashtë ndeshje të zhvilluara.
Shqipëria pati edhe mbështetjen e 600 tifozëve kuqezi, që kishin udhëtuar ne Bosnjë.
Formacionet:
BeH: Hasagiq, Mujxh, Luliq, Spahiq, Panxha, Rahimiq, Medunjanin, Pjaniq, Misimoviq, Ibiseviq, Xheko. Selektor: Safet Sushiq.
Shqipria: Ujkani, Vangjeli, Dalku, Cana, Curri, Agolli, Bullku, Skela, Lala, Salihi, Bogdani. Selektor: Josip Kuzhe.
Tabela, grupi D
1. Franca 6 4 1 1 9:2 13
2. Bjellorusia 7 3 3 1 6:2 12
3. BeH 6 3 1 2 8:7 10
4. Rumania 6 2 2 2 8:6 8
5. Shqipëria 6 2 2 2 4:6 8
6. Luksemburg 7 0 1 6 1:13 1
