Edhe gjatë kësaj jave nuk do të mungojnë informacionet lidhur me këtë histori dhe ajo që kemi zbuluar lidhet pikërisht me zyrtarizimin e kësaj marrëdhënieje. Kjo fundjavë do ta gjejë Seldin të fejuar dhe siç kemi mësuar, familja e këngëtarit do të udhëtojë drejt Suedisë për të shkëmbyer nishanet me familjen e vajzës.
Kështu, ëndrrat e shumë fanseve të Seldit janë prerë në mes, pasi tashmë ai është definitivisht i zënë. Këtë të diel, Dafina do të ketë një unazë në dorë dhe atë do t’ia vërë Seldi. “Bluetooth” uron që kjo histori të zgjasë për gjithë jetën dhe çifti të jetë përgjithmonë i lumtur!