Një taksist 52 vjeçarë dje pas dite është gjetur i vdekur në veturën e tij në atarin e fshatit Tearcë.
Trupi I pajetë i Rafet Asanit, nga fshati Debërcë, me goditje në trup nga një send i fortë, është gjetur të dielën rreth orës 15.00 në veturë e tij Volksfagen Vento.
Vetura ku është gjetur Asani, sipas policisë, ka qenë i parkuar në vendin Planishte, në atarin e fshatit Tearcë, komuna e Tearcës.
Policia informon se taksisti ka patur disa plagë në trup, ndërsa trupi i pajetë është dërguar në obduksion për të vërtetuar shkaqet e vdekjes.
Deri më tani policia nuk ka ndonjë të dyshuar dhe nuk ka njohuri për motivet e ngjarjes.