Sylvester Stallone dha miliona për të heshtur akuzat e motrës

Sylvester Stallone besohet se ka dhënë miliona dollarë gjysmë-motrës së tij më të madhe, pas kërcënimeve të saj se do t’ia shkatërronte karrierën nën akuzën për keqtrajtim.

Sipas dokumenteve të zbuluara nga New York Post, 16 vjet më parë ylli i filmave aksion i kishte dhënë 1.5 milionë dollarë në dorë gjysmë-motrës së tij Toni-Ann Filitis, duke përfshirë dhe një pagë mujore prej 10 500 dollarësh në muaj.

Filiti, e cila ka vdekur për shkak të kancerit në mushkri, besohet ta ketë kërcënuar yllin hollywoodian me një padi, por vendosi të tërhiqej në momentin e fundit.

Stallone edhe sot e kësaj dite vazhdon t’i mohojë këto akuza, duke thënë se ai nuk e ka abuzuar askënd dhe se ajo ishte thjesht një e sëmurë psiqike.