Teknologji

Opsioni i ri i Google ju ndihmon ta gjeni titullin e një kënge duke e kënduar atë

Motori i kërkimit, Google ka sjellë një mjet “Shazam for humming”, duke lejuar këdo që të gjejë cili është titulli i këngës pas një melodie ose fragmenti që ju ka mbetur në mendje.

Për të përdorur opsionin e ri, hapni versionin tuaj më të fundit (pra, të azhornuar), të aplikacionit Google, prekni ikonën e mikrofonit dhe thoni “What’s this song?”, ose klikoni në butonin “Search a song”.

Fishkëlleni ose këndoni melodinë për të paktën dhjetë sekonda. Sistemi i inteligjencës artificiale do të kërkojë në bazën e tij të të dhënave për t’ju prezantuar me një listë të këngëve të mundshme.

“Një mënyrë e thjeshtë për ta shpjeguar është se melodia e një kënge është si gjurma e gishtit: Secili ka identitetin e vet unik”, tha Krishna Kumar, një Menaxher i Lartë i Produkteve në Google Search.

“Kur ju kërkoni një melodi në Google, modelet tona të të mësuarit makinerik e shndërrojnë audion në një sekuencë të bazuar në numra që përfaqëson melodinë e këngës. Modelet tona janë trajnuar për të identifikuar këngët, bazuar në një larmi burimesh, duke përfshirë njerëz që këndojnë, fishkëllima ose gumëzhitje, si dhe regjistrime në studio”.

Aparna Chennapragada, një nënkryetare e Google që zbuloi opsionin e ri, tha se njerëzit e pyesin Google “cila këngë është kjo” gati 100 milionë herë çdo muaj ose kërkojnë fraza teksti që t’ju shfaqet kënga.

Show More

Related Articles

Leave a Reply

Your email address will not be published. Required fields are marked *

Back to top button