Teknologji

PayPal në Shqipëri, më në fund plotësisht funksional

Në kuadër të forumit më të madh të ueb masterave shqiptar Webmaster.al u dha një lajm interesant që kishte të bënte me Paypal dhe Visa.

Shërbimi i pagesave online PayPal në bashkëpunim me Visa, kanë pranuar së fundmi edhe Shqipërinë në listën e shteteve që mund të marrin dhe dërgojnë pagesa online, duke pasur një llogari të thjeshtë në Paypal.com dhe tani procesi i pagesave të këtilla është tërësisht funksional edhe në Shqipëri.

Edhe pse Shqipëria ishte pjesë e PayPal që nga viti 2008, problemi kryesor ishte fakti që vetëm mund të dërgoheshin para (pra të bënit blerje në internet) e ndërsa sot, me 7 Prill 2011 më në fund të gjithë përdoruesit mund të kenë një llogari të plotë në PayPal, ku mund të bëni fare thjesht transferime online duke pasur vetëm e-mailin e personit që dëshironi ti dërgoni para.

Shërbimi i ri i pagesave online paraqet një hap tjetër të rëndësishëm në zhvillimin e Shqipërisë, e mbi të gjitha kjo do të shërbejë më së miri për ata që bëjnë rregullisht transferime online, duke shfrytëzuar PayPal.

E gjersa e mirëpresim këtë lajm të mirë për tregun shqiptar, mbesim me shpresë që diçka të ngjashme do të përfitojmë edhe në Kosovë brenda një të ardhme të afërt.

Tags
Show More

Artikuj te ngjajshem

Leave a Reply

Your email address will not be published. Required fields are marked *

Close