iPhone i ri, më 10 shtator

Sipas All Things D, Apple muajin e ardhshëm, përkatësisht me 10 shtator do ta mbajë një ngjarje mediale, në të cilën pritet që kompania ta zbulojë modelin e ri të iPhone.

Dhe siç mund të pritet, deri në prezantimin zyrtar të telefonit më të ri të Apple do të flitet shumë për specifikat dhe dizajnin e mundshëm të iPhone.

Deri më tani, është folur shumë për një model të lirë të iPhone, por anash nuk ka mbetur as modeli tjetër i cili thuhet se do të sjell teknologji të reja, si ajo e sensorit me gjurmë të gishtave.

Modeli i ri i iPhone do të vijë në kohën kur Apple është duke u përballur me konkurrencë të fortë, sidomos nga linja e telefonave Galaxy të Samsung. Sipas IDC-së, në tremujorin e fundit 80 për qind e telefonave bazoheshin në Android.