E sulmojnë në shtëpi dhe i vjedhin 60 euro

Policia e Kosovës njoftoi se një femër ka raportuar në Polici se dy persona të panjohur, të maskuar kanë hyrë në shtëpinë e saj, duke e sulmuar fizikisht i kanë grabitur 60 euro dhe një palë vathë të arit.

Ngjarja ka ndodhur të enjten në rrugën “Nikolla Teslla” në Gjilan.

Viktima ka pranuar tretmanë mjekësor, ndërsa njëri prej të dyshuarve është arrestuar dhe në konsultim me prokurorin është dërguar në mbajtje.