Deputetët e parlamentit anglez do të vendosin më vonë nëse do të nisin fushatën e sulmeve ajrore në Siri kundër militantëve të ISIS.
Një debat 10-orësh në Dhomën e Komunave do të përfundojë me një votim, nëse Britania e Madhe do t’i bashkohet SHBA-së, Francës dhe Rusisë në sulmet ndaj bastioneve të ISIS.
Kryeministri anglez, David Cameron thotë se Shteti Islamik është një kërcënim për sigurinë e Britanisë.
Me 50 deputetë të tjerë laburistë që do mbështesin qeverinë, si dhe Partinë Sindikaliste Demokratike dhe Demokratët Liberalë që gjithashtu do japin mbështetjen e tyre, Cameron pritet të fitojë miratimin parlamentar që Britania të ndërhyjë ushtarakisht në konfliktin 4-vjeçar në Siri.
