KosovaLajmePolitika

Për pushtet, “harrojnë” shtetin

pushtetMinistrat e Qeverisë së Kosovës me pjesëmarrjen e tyre në fushatën elektorale për zgjedhjet e 3 nëntorit po sakrifikojnë dhe rrezikojnë funksionalitetin e institucioneve qendrore, vlerëson shoqëria civile.

Duke lënë në rend të dytë angazhimin në dikasteret e Qeverisë, sipas tyre në Kosovë po instalohet një kulturë e dëmshme politike, ku të gjitha strukturat, jo vetëm partiake po edhe ato shtetërore, po bëhen pjesë e fushatës elektorale për zgjedhje.

Zyrtarë të Qeverisë thonë se janë duke kryer detyrat e tyre dhe se angazhimi në fushatë është jashtë orarit.

Kryeministri i Kosovës në një nga mbledhjet e Qeverisë u ka kërkuar vartësve të tij që të mos merren me fushatë, port ë angazhohen maksimalisht në kryerjen e detyrave që kanë para vetes, sidomos ato që ndërlidhjen me përmbushjen e kritereve për liberalizimin e vizave dhe Marrëveshjen e Stabilizim- Asociimit.

Mirëpo, urdhri i tij nuk është respektuar madje as nga ministrat që drejtojnë dikasterë që ndërlidhen me integrimet dhe politikën e jashtme.

Analistët thonë se dështimet që i kanë bërë ministrat e Qeverisë në punën për të cilën paguhen, po mundohen t’i kompensojnë me punën për të cilën nuk po paguhen- duke marrë pjesë në fushata.

Me këtë sipas tyre, po rrezikohet dhe sakrifikohet funksionalitet i institucioneve qendrore.

Opozita ka kritikuar qasjen e Qeverisë duke thënë se ajo po lë anash punët që janë themelore për të ardhmen e qytetarëve.

Tags
Show More

Related Articles

Close