Qetsor Ferunaj është aq i bindur se do të triumfojë në reality-shoun “VIP Shpija”, sa që tani e ka nxjerrë në shitje ‘shtëpinë që jepet si trofe’.
Fituesi i “Big Brother Albania -2”, ka vendosur edhe një herë ta provoj një realit shou, e kësaj radhe bëhet fjalë për spektaklin kosovar “VIP Shpija”, që pritet të fillojë me një prill.
Dhe, sikur herën e parë që u fut me shumë vetëbesim që do të dalë triumfues nga “Big Brother” dhe edhe ashtu doli, ai edhe kësaj radhe hynë me një vetëbesim të plotë për të fituar.
“Aq i sigurt jam, sa shtëpinë që jepet si trofe për fituesin unë e kam nxjerrë që tani në shitje”, ka thënë Qetsori për mediat shqiptare.
Qetsori nuk e brengoset shumë nëse njerëzit do fillojnë ta paragjykojnë nga fakti që ai di ta bëjë vetëm këtë punë, pra të jetë vetëm pjesë e reality shou.
“Punë e madhe, madje le të më quajnë edhe ‘personazh reality të përjetshëm’ po të duan, unë merakosem vetëm për çmimin, jo se çfarë thonë paragjykuesit. Jetën time deri tani e kam menaxhuar aq mirë sa më është krijuar ideja që nuk gaboj në vendimet që marr”, ka thënë më tej Qetsori.
Ndërsa, i pyetur nga mediat shqiptare rreth arsyes për t’u futur në “VIP Shpija”, ai ka thënë se me këtë reality shou automatikisht do të bëhet një Vip.
“Me thënë të drejtën më joshi emri i formatit. Kur dola nga ‘Big Brother, edhe pse triumfues, përsëri nuk më dukej vetja Vip. Tani që formati quhet “VIP Shpija”, po u futa aty bëhem automatisht vip. Kjo e thënë pak me shaka kuptohet. Më shtyn i njëjti motiv si ai për të cilin hyra në “Big Brother” dy vite më parë, është thjesht çmimi.
