Unikkatili: Jeni fansat më të egër (Video)
Një prej reperëve më të mirë shqiptarë, Unikkatili, ka deklaruar në një intervistë se fansat e tij janë fansat më të egër, përderisa nuk la pa folur as për koncertin që do ta mbajë më 15 korrik në Stadiumin e Prishtinës.
Në intervistën e tij për Klan Kosovën, Unikkatili zbuloi se është duke punuar për albumin e ri dhe se në të do të ketë shumë bashkëpunime.
Ai po ashtu hodhi poshtë pohimet se 2po2 kishte paguar shumë të madhe parash për të qenë pjesë në albumin “Authentic”, pasi Viktori thotë se bën muzikë sipas preferencës së tij.
“Jeni fansat më të egër”, e përmbylli intervistën e tij legjenda e repit shqiptar.
Intervista paraprin koncertin e madh të 15 korrikut që do të mbahet në stadiumin e Prishtinës dhe për të cilin koncert do të jenë në shitje hiç më pak se 15 mijë bileta.
