Kronika e ZezeLajmeShqiperia

“Vajzën e vrava nga turpi i fshatit” (Video)

1405“E vrava se nuk munda dot të përballoja përpara fshatit turpin që më solli vajza ime”. Kjo është deklarata e Doksan Dushkut dhënë para Prokruroisë së Krimeve të Rënda që po e heton për krim në familje.

Për të moshuarin Dushku, nga fshati Sllovë i Dibrës, humbja e nderit të familjes nga e bija, Fatmira, e cila u zbulua se ishte 5-muajshe shtatzënë, ishte shkaku dhe motivi i vetëm i vrasjes së 21-vjeçares, e cila u qëllua nga i ati mesnatën e 27 majit pas disa orëve debat.

“E kuptova që ime bijë ishte shtatzënë gati dhjetë ditë para krimit, kur ajo ndodhej në oborr. Gjatë këtyre ditëve e kam pyetur dhe i kam kërkuar se kush ishte i ati, por ajo nuk më tregoi. Atëherë unë thirra fëmijët e tjerë mbrëmjen e vrasjes dhe e pyetëm deri vonë, por ajo sërish nuk tregoi. Kur të gjithë po flinin, unë po rrija në oborr, ku Fatmira po bëntë ende punët. Mu errën sytë kur e pash, mora armën dhe e qëllova”, ka thënë Dushku.

Ai ka rrëfyer para prokurorëve se edhe varrimi i vajzës dhe përhapja e lajmit për vdekje aksidentale të saj ishte bërë për shkak të frikës nga trupi në fshat.

Gjyqtari i Krimeve të Rënda, Fran Prendi shpalli masën e sigurisë arrest me burg për të moshuarin, për akuzën e vrasjes për shkak të marrëdhënieve familjare, vepër e cila pas ashpërsimit të Kodit Penal parashikon dënimin nga minimalja 35 vjet heqje lirie deri në burgim të përjetshëm.

Tags
Show More

Related Articles

Close