Adele martohet në mënyrë të fshehtë

Adele ka nxitur spekulimet se ajo tashmë është martuar me të fejuarin e saj Simon Konecki pasi është parë me një unazë ari në gishtin e saj të unazës.

Këngëtarja e hitit “Someone Like You” ka qenë në lidhje me Konecki për rreth një vit dhe mendohet se dyshja kanë lidhur kurorë në mënyrë të fshehtë, vetëm disa javë para se ajo të lindë fëmijën e parë të saj.

“Adele dhe Simon kanë arritur ta mbajnë lajmin e foshnjës sekret për aq gjatë, sa ka spekulime se ata edhe janë martuar”.

“Ajo është një vajzë e modës së vjetër dhe mezi pret të jetë pjesë e një bashkësie familjare. Ajo vetëm dëshiron të fokusohet në foshnjën dhe mashkullin që e dashuron”, ka thënë burimi për revistën Life & Style.