s Ajo çfarë po ndodh në Maqedoni këtyre ditëve sa është marrëzi, po aq edhe turp mbi turpet | www.Zemra.Org

Ajo çfarë po ndodh në Maqedoni këtyre ditëve sa është marrëzi, po aq edhe turp mbi turpet

Qeveria maqedonase, e zhgënjyer nga mos gjetja e fajtorëve për vrasjen e 5 maqedonasve civilë, mbase vrasësit mund të kishin qenë nga vetë radhët e policisë.

– Për çka të parët tanë na kanë lënë me gojë se “shkau e vret apo e djeg në furrë fëmijën e vet për të fajësuar të tjerët”, pikërisht para samitit të NATO-s dëshiron të demonstrojë seriozitet shteti stabil e të aftë për të menaxhuar situata të rënda sigurie. S’do mend se ajo më e pakta që kërkon qeveria maqedonase është një alibi për të arsyetuar dobësinë e vet, mungesën e qëndrueshmërisë së shtetësisë së saj në kontekstin ballkanik. Ajo e ka provuar këtë jo një herë. Sidomos kur hamend se pikët më të mira në këtë drejtim, ashtu si edhe në arenën ndërkombëtare, mund të fitohen duke i luftuar “radikalët islamistë”, një prirje për t’i shkuar për qejfi politikës bushiane, së cilës që moti i ka dalë boja.
Ajo çka më së shumti më habit është qetësia dhe heshtja e faktorëve që pikërisht sot duhet të flasin. Fjalën e kam për subjektet politike shqiptare, për organizatat fetare e joqeveritare, të cilat me heshtjen e tyre sikur duan të tregojnë se e respektojnë mosndikimin në një proces gjyqësor që sapo ka filluar, duke qenë se këtë ministria e punëve të brendshme e shkeli qysh dje, duke i bërë me gisht gjykatës së në ç’drejtim duhet të ecë procesi gjyqësor, kur para/gjykoi se bëhet fjalë për “terroristë islamikë”, para se këtë ta thotë gjykata. E pra, me heshtjen e tyre, këto subjekte si duket i fërkojnë duart duke menduar se vetë ato u kurtalisën nga një sherr që plasi më herët dhe se u bë mirë që nuk bëhet fjalë për “shqiptarë radikalë” porse për “muslimanë radikalë”. O tmerr! O marrëzi!
Besoj se në këtë moment duhet t’i kujtojmë fjalët e Brechtit, bashkë me të Martin Niomöller-it:

“Erdhët nazistët.
Së pari m’i morën fqinjët, pastaj shkrimtarët, nuk nxora zë.
Pastaj i morën komunistët, nuk nxora zë.
Kur erdhën prapë, i kapën dhe i morën socialistët. Prapë nuk nxora zë.
Më pas i morën çifutët, prapë nuk nxora zë, sepse nuk isha çifut.
Kur erdhën të më marrin mua, nuk kishte mbetur kush të nxirrte zë”.


Bëje LIKE dhe merr lajmin e fundit nga Zemra.org

Tags: , , , , , , , , ,

Komenti juaj:

VEREJTJE: Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet, ne te kundert, komenti nuk do te publikohet. Ju falenderojme qe na ndiqni dhe ju ftojme te vazhdoni te jeni pjese e Zemra.Org!

*
*

This site uses Akismet to reduce spam. Learn how your comment data is processed.