Ja kush ishte dhe nga ishte maqedonasi i vrarë mbrëmë – FOTO

Maturanti i vrarë mbrëmë në lagjen Gjorçe Petrov të Shkupit sic mëson portali Shqipmedia është me prejardhje nga Tetova respektivisht nga fshati Zhilçe familja e të cilit pas konfliktit të 2001 shpërngulet në Shkup.

Maturanti maqedonas Angel Petkovski poashtu edhe shkollën e mesme e ka vazhduar në Tetovë dhe ka festuar maturën para dy dite në restoran “Princ” në Tetovë. Nga natyra ka qenë i qetë thonë shokët e tij. Ai u vra mbrëmë për motive banale në lagjen Gjorçe Petrov. Varrimi i tij do të bëhet nesër.

Sot pasdite në Tetovë, nxënësit e Shkollës se Mesme Medicinale “Nikolla Shtejn” ku ka mësuar i vrari i mbrëmshëm në Shkup Angel Petkovski, kanë ndezur qiri në shenjë respekti për të vrarin.