LajmeMaqedonia

Kapet me drogë që arrinte vlerën 800 mijë euro, arrestohet zyrtari i lartë në Maqedoni

Një zyrtar i lartë i Policisë në Maqedoninë e Veriut, është vënë në pranga pasi është kapur me një sasi të madhe droge. Sipas mediave vendase, droga e kapur arrinte vlerën e 800 mijë eurove.

Në aksionin i cili po vijon akoma në disa qytete, Prilep, Manastir, Rosoma e Kavadar Alsat mëson se është arrestuar edhe kryeshefi i policisë në Prilep.

Lajmin e ka bërë të ditur ministri i Punëve të Brendshme Oliver Spasovski, ku në një postim që ka bërë në rrjetet sociale, njofton se aksioni është realizuar në bashkëpunim me Agjencinë Amerikane për Luftë Kundër Narkotikëve – DEA.

“Në një operacion të madh policor së bashku me Agjencinë Amerikane për Luftë Kundër Trafikantëve të Drogës – DEA, është konfiskuar drogë me vlerë mbi 800,000 euro, si dhe është arrestuar një oficer i lartë policie. Ne vazhdojmë së bashku me partnerët tanë strategjikë në luftën pa kriter kundër krimit”, shkroi Spasovski në Facebook

Leave a Reply

Your email address will not be published. Required fields are marked *

Back to top button