Arrestohet Arkimed Lusha – Stresi

Këngëtari i muzikës rep, Arkimed Lusha, i njohur me emrin Stresi, u arrestua sot nga policia ne Pogradec.

Lajmi bëhet i ditur nga burime zyrtare që thanë se 24-vjeçari ka rënë në pranga pas mesditës.

“Stresi” së bashku me tre miq të tij u akuzuan muaj më parë për kanosje dhe gjobëvënie ndaj regjisorit Leonard Bombaj.
Prokuroria kërkoi arrestimin e tyre por gjykata e Lartë urdhëroi ndjekjen penale në masën e sigurisë detyrim paraqitje një herë në javë në policinë gjyqësore.