Tetovë, vetëvritet 28 vjeçari

Një vetëvrasje ka ndodhur mbrëmë para mesnate në fshatin Llërcë të Tetovës. I vetëvrari raportohet të jetë Faton O, 28 vjeç nga ky fshat.

Ai në rrethana të pasqaruara ka marrë një pistoletë, duke e shkrepur në zemër. Policia theksoi se të afërmit kanë gjetur të vrarë 28 vjeçarin në shtëpinë e tyre, por ata theksuan se nuk dinë motivet që kanë çuar në vetëvrasjen e djalit të tyre, transmeton INA .

Sektori i Punëve të Brendshme në Tetovë bëri të ditur sot se po heton motivet e kësaj vetëvrasje dhe se viktima posedonte armën pa leje. Kjo është vetëvrasja e radhës në rajonin e Tetovës dhe Gostivarit, brenda pak muajve.