Tiranë, ekzekutohet taksisti

Një taksist u ekzekutua në kryeqytet, në orët e pasditës, pranë spitalit të fëmijëve në Qendrën Spitalore Universitare “Nënë Tereza”, në Tiranë. 

Policia njoftoi se 53-vjeçari Mehmet Beqiri u qëllua në makinën e tij të tipit Benz me targa 8428A.

Uniformat blu shkuan menjëherë në vendngjarje dhe vetëm pak çaste pas krimit arrestuan si autor të dyshuar Aldo Morinën, nënoficer i repartit ushtarak të Zall Herrit.

Për policinë, dy personat njiheshin me njëri-tjetrin, ndërsa thuhet se vrasja mund të ketë ndodhur për çështje morale, ndërsa nuk përjashtohen edhe pistat e tjera të hetimit.