KosovaKronika e ZezeLajme

Arrestohet Bajrush Berisha, i ikur nga burgu

Departamenti kundër krimit të organizuar, pas hetimeve dhe veprimeve operative të zhvilluara në terren ka realizuar një operacion policor në rajonin e Pejës, me ç’rast ka arrestuar Bajrush Berishën (1972), i cili ishte në kërkim nga Policia e Kosovës.

Personi i arrestuar ishte duke vuajtur dënimin me burg në Burgun e Dubravës, derisa më datë 29.07.2012 ishte liruar për vizitë në familje deri më 01.08.2012 për t’u kthyer prapë në vuajtje të dënimit, por i njëjti nuk kishte respektuar lejen e organeve përkatëse dhe nuk ishte kthyer më.

“Operacioni policor është realizuar konform procedurave dhe planifikimeve policore dhe ka rezultuar me arrestimin e personit të kërkuar edhe përkundër tentativës së tij për të ikur nga policia”, thuhet në kumtesë.

Gjatë kontrollit policor te personi i arrestuar është gjetur një armë-revole, e cila është konfiskuar nga njësitet policore.

Ky person dyshohet se ka qenë i përfshirë edhe në disa vepra penale si vjedhje grabitqare, detyrim dhe shantazh.

Show More

Related Articles

Leave a Reply

Your email address will not be published. Required fields are marked *

Back to top button